ស្វែងយល់អំពីមណ្ឌលកម្សាន្តក្នុងតំបន់ទន្លេមេគង្គ

ណាហ្គាវើល គឺជាសណ្ឋាគារលំដាប់ផ្កាយ 5 ក្នុងចំណោមសណ្ឋាគារធំៗជាច្រើនក្នុងប្រទេសកម្ពុជាដែលមានបន្ទប់ស្នាក់នៅប្រណីត និងបន្ទប់ Suite ជាង 1658 និងជាកាស៊ីណូលំដាប់កំពូលតែមួយគត់ក្នុងប្រទេសកម្ពុជា។ បន្ទប់ទាំងអស់ សុទ្ធតែបំពាក់ដោយឧបករណ៍ និងគ្រឿងបរិក្ខារដ៏ទំនើបសម្រាប់ផ្តល់ឲ្យភ្ញៀវពាណិជ្ជកម្ម និងភ្ញៀវដែលស្វែងរកការលម្ហែកម្សាន្តនូវផាសុកភាព និងភាពងាយស្រួលពិតប្រាកដ។ ណាហ្គាវើល ផ្តល់ឲ្យនូវតម្រូវការគ្រប់បែបយ៉ាងរួមមាន ភោជនីយដ្ឋាន 14 កន្លែង មណ្ឌលស៉្បាប្រណីត និងអាគារជាប់នឹងអាគារមេដែលមាន 8 ជាន់ដែលផ្តល់នូវការកម្សាន្ត ការរៀបចំកិច្ចប្រជុំ សន្និសីទ និងកម្មវិធីកម្សាន្តផ្សេងៗលំដាប់កំពូលតាមតម្រូវការ។

ក្រុមហ៊ុនណាហ្គាវើល លីមីតធីត គឺជាក្រុមហ៊ុនដែលស្ថិតនៅក្រោមការគ្រប់គ្រងរបស់ក្រុមហ៊ុនមេ ណាហ្គាខបលីមីតធីតដែលបានចុះបញ្ជីសាធារណៈជាក្រុមហ៊ុនកម្សាន្ត និងកាស៊ីណូក្នុងទីផ្សារភាគហ៊ុនទីក្រុងហុងកុង។ ណាហ្គាវើល គឺជាមណ្ឌលកម្សាន្ត លម្ហែ និងសណ្ឋាគារលំដាប់កំពូលដែលមានការរីកចម្រើនយ៉ាងឆាប់រហ័សក្នុងតំបន់ឥណ្ឌូចិន។