បន្ទប់ប្រណីត Penthouse Suite នៅណាហ្គាវើលដ៍ទី2

ជាបន្ទប់ឯកជនដ៏ប្រណីត និងមានសេវាកម្មល្អឥតខ្ចោះ បន្ទប់ Penthouse Suite ដែលមានទំហំ 530 ម៉ែត្រការ៉េនៅណាហ្គាវើលដ៍ទី2 គ្របដណ្តប់ជាន់ទី 19 ទាំងមូលដែលភ្ញៀវអាចទស្សនាទេសភាពដ៏ស្រស់ត្រកាលនៃរាជធានីភ្នំពេញ និងដងទន្លេ។ បន្ទប់ដែលបំពាក់ដោយគ្រឿងបរិក្ខារទំនើបគ្រប់បែបយ៉ាងនេះ មានបន្ទប់ទឹកដ៏ធំដែលមានថ្មម៉ាប អាងទឹក កន្លែងងូតទឹកផ្កាឈូកដាច់ដោយឡែក និងអាងទឹកចាកូហ្ស៊ីសម្រាប់ស្ប៉ាលក្ខណៈឯកជន។ បន្ទប់ទទួលភ្ញៀវ មានកន្លែងពិសាអាហារ ទូទឹកកកដែលមានអាហារ និងភេសជ្ជៈជាច្រើនមុខ បន្ទប់ gaming ឯកជន និងប្រព័ន្ធខារ៉ាអូខេដ៏ទំនើបសម្រាប់ច្រៀងលេងកម្សាន្ត។